طارق سويد يكشف للمرة الأولى عن سر صورة جمعته بوسام صباغ وماغي بو غصن
بعد وفاة والدة الممثل اللبناني وسام صباغ هذا الصباح، كشف الممثل والكاتب اللبناني طارق سويد عن سر صورة نشرها منذ أيام جمعته بوسام وماغي بو غصن.
طارق نشر الصورة عبر حسابه على إنستغرام وتحدّث عن كواليسها قائلاً:
“بدي خبر عن هالصورة، مع اني ما كنت ناوي قول شو في وراها.. بس يمكن اللي بدي قولو يوعي شخص لو واحد و يصير ينتبه بالحياة كيف يتعاطى مع خيو الانسان.. لحظة اللي اخدنا هالصورة، خبيت ايديي لأن الدم ما عم يوصل لأصابيعي بسبب ال رينو ديزيز يلي بوقف الدم عن اصابيعي و يلي اكتشفتو من كم شهر”.
وأضاف:
“اخدت ماغي عالمستشفى لتعمل فحوصاتا قبل العملية و خبت ايدا لما تظهر بلاستر سحب الدم عإيدا و خبت خوفا و وجعا ببسمة كبيرة. .. مرقنا عوسام عالمسشفى اللي كان قاعد حد والدتو بالعناية عم يقضي معا اخر ساعاتا عهل ارض.. غمرنا بعضنا و قعدنا ساكتين”.
وتابع:
“قبل ما وسام يقول خلينا ما نفكر للحظة، النا فترة ما اخدنا صورة سوى تلاتتنا. . ابتسمنا من قلبنا و خبينا وجعنا و تصورنا”.
وختم قائلاً:
“اللي بدي قولو انو ما بتعرف و لا انسان بشو عم يمرق بحياتو، ما بتعرف و لا انسان شو مخبي ورا بسمتو.. عامل غيرك بحب.. ما تقول الا الكلمة الحلوة.. و ما عندك شي حلو تقولو، ما تقول شي…. حب و بس حب…و انتو التنين بحبكن من قلبي”.
يُذكر أنّ الممثلة اللبنانيّة ماغي بو غصن كانت قد خضعت لعمليّة جراحيّة في راسها قبل أيام وخرجت صباح أمس من المستشفى.
إقرأ أيضًا: ناهد السباعي تكشف سرّ عدم ذهابها إلى حفل زفافها: “هذا ما حصل معي”!
إقرأ أيضًا: منة شلبي تردّ على السؤال الأكثر تداولاً في العالم العربي..تعرّف إلى إجابتها – فيديو
إقرأ أيضًا: لطيفة التونسية ممنوعة من الغناء وتكشف عن الأسباب – وثائق
