تامر حسني يُشارك الجمهور تجربته الخاصة :”مش عاجبك مكانك غيره”
شارك النجم المصري تامر حسني جمهوره قصة من حياته تحدث فيها عن الإرادة والقوة وذلك عبر حسابه الرسمي على الموقع الأزرق فيسبوك.
وفي قصة طويلة قال تامر :
“دايماً بحب احكيلكم مواقف من واقع تجربتي ..من 10 سنين كان حاطط صورتي على الحيطه و من غير ماعرف كل دا لما شفته في الحفله حسيت من رد فعله لما شافني ان انا بمثلّه حاجه كبيره و طلب يغني معايا”.
وتابع :
“وافقت فوراً لإن اللي في قلبه وصلني على طول عشان صادق ، اللي عايز اقوله ان حبك و اخلاصك للحاجه بيجذبها ليك بجد زي ما حصل مع محمد كدا ، واللي حصل مع محمد هحاول ان شاء الله اعمله في كل حفله كبيره و اقدم منكم ناس موهوبه تستحق الدعم”.
وأضاف :
“انا بقى عايز كل شاب فيكم يشوف نفسه راجل قوي راجل ناجح او بنت ناجحه في اي مجال بتحبوه و تصدقوا انكم ممكن توصلوا و متقولوش مستحيل عشان احلامكم تقربلكم و ينجذبلكم”.
وأكمل قائلاً:
“بس انت صمم و عافر و اهم حاجه متضحكش على نفسك ركز في احسن حاجه انت بتعملها ، عشان في ناس للأسف بيكونوا شايفين غلط و بيجروا كتير ورا سراب و لو عملت اللي عليك للنهايه و لقيت انك مش عارف توصل لحاجه عادي دور على حاجه تانيه بسرعه متقعدش تندب حظك”.
وكتب :
“اكيد ربنا شايلك حاجه احسن زي مانا كان نفسي ابقى لاعب كره و فجأه كل الأنديه بيمشوني من غير سبب مع إني لاعب مش سهل، بس عرفت بعد فتره ان ربنا كان شايلي حاجه افضل ليا”.
وخاطب جمهوره :
“و حق لا اله الا الله انا بكتبلكم من قلبي و الإحساس دا زاد بعد ما بقيت أب بقيت خايف على شبابنا و ولادنا في المستقبل بشكل كبير جداً وانا نَفسي اتغيرت و اشتغلت على نفسي كتير تاني مفيش مستحيل يا شباب”.
وتابع :
“انا كنت افضل ابص في صورة عبد الحليم حافظ عشان نفسي اغني و امثل زيه و أنجح في الإتنين و يحبوني الجماهير في الوطن كله النهارده لما الحمدلله افلامي بتنجح بالشكل دا في جميع انحاء الوطن بفتكر إصراري عالوصول ساعتها وانا صغير و مشياني في الشوارع بالساعات لوحدي افكر و ارتب هعمل ايه و اتخيل نفسي وانا الناس بتسلم عليا و انا اصلاً مفيش في جيبي اي فلوس اركب مواصله”.
وتحدث تامر عن نفسه :
“(( بفتكر ازاي اخدت قرار اني اتحول من شخص باصص على صورة فنان على الحيطه للفنان نفسه اللي صورته دلوقتي على الحيطه )) نشتغل و نجتهد و نغير ونطور من نفسنا بأيدك تعمل كل حاجه (( مش عاجبك مكانك غيره انت مش شجره ))”.
واختتم:
“مالآخر كدا و مش جايز هو اكيد كلامي رساله لناس كتير فيكم بس الشاطر اللي هيفهم ، ربنا ينور طريقكم و يفرح بيكم اهاليكم”.
يُذكر أن آخر أعمال حسني هي أغنية “نانسيي ليه” التي شاركته الفنانة أسيل وحققت ملايين المشاهدات عبر موقع يوتيوب الشهير.
إقرأ أيضًا: ناهد السباعي تكشف سرّ عدم ذهابها إلى حفل زفافها: “هذا ما حصل معي”!
إقرأ أيضًا: منة شلبي تردّ على السؤال الأكثر تداولاً في العالم العربي..تعرّف إلى إجابتها – فيديو
إقرأ أيضًا: لطيفة التونسية ممنوعة من الغناء وتكشف عن الأسباب – وثائق
