ممثلة مصرية تعرّضت للنصب من مخرج لبناني…وما علاقة الثورة؟
تحدّثت الممثلة المصرية الشابة رندا البحيري عن تفاصيل صادمة حصلت معها خلال تعاملها مع المخرج اللبناني إيلي برباري في مسلسل صوّر في لبنان.
وقالت رندا عبر حسابها الرسمي على إنستغرام:
“الأستاذ إيلي برباري كلمني و طلب مني أعمل دور في مسلسل كان بيقول أنه من إنتاجه و إخراجه. و فضل يقولي تلات أسابيع أد إيه هو تعبان علشان يلم فلوس المسلسل و إنه باع بيته و عربيته. علشان ينتج المسلسل. كل ده علشان يتعاقد معايا بفلوس قليله. وانا صدقته و وافقت و قولتله مش مشكله. و روحت لبنان صورته”.
وأضافت:
“المهم عرفت و انا هناك بالصدفه انه اصلا مش منتج المسلسل. وان المسلسل له منتج أساسي و ان هو بينفذ بس الإنتاج. و اللي عرفته انه تقريبا اتفق مع جهه الإنتاج علي رقم كبير علشان دي ”ممثله” جايه من مصر”و لازم تأخذ حقها و أجرها. و طبعا ده محصلش”.
وتابعت:
“روحت و صورت و الأستاذ اداني جزء من اجري بالعافية و مكنش اصلا عايز يديهوملي خالص و خلصت كل المشاهد اللي طلبها مني. و قالي السفريه اللي جايه هديكي الفلوس او هحولهالك علي مصر. وأول ما عمل مونتاج الحلقات و ضمن أنه خلاص مش محتاجني و قفل مسلسله. عملي بلوك و مش عايز يديني اجري ولا حتي احترمني ولا احترم بلدي و لا رد علي”.
وعن الإجراءات التي اتخذتها:
“انا كلمت النقابه عندنا في مصر و بلغتهم بالإهانة اللي حصلت معايا. علشان يكونوا عارفين حصل لي ايه مع المخرج و منفذ الإنتاج ده.”.
وختمت:
“الثوره ملهاش اي علاقه باي حاجة و المسلسل موقفش اصلا. و كانوا شغالين كل يوم عادي. و الرجل ده بيقول انه معاه تمويل ودايما كان بيهدد الناس و بيقول انا شغال مع الجيش. مع اني في نفس الوقت شوفته نازل الشارع وسط الثوار عادي جدا.”.
كلام رندا أثار الكثير من الجدل في الشارع المصري حيث تلقّت الدعم من قبل العديد من زملائها الممثلين الذين عبّروا عن استيائهم مما حصل.
العرّاب:المخرج الذي تكلّمت عنه رندا ملتزم الصمت حالياً ولم يقم بأي رد حيال الإتهامات الخطيرة التي وجّهت إليه ما قد يؤثر سلباً عليه وعلى المسلسل الذي شاركت فيه وعلى الشركة المنتجة، والأيام القادمة كفيلة بإظهار الحقيقة.
العرّاب
إقرأ أيضًا: منة شلبي تردّ على السؤال الأكثر تداولاً في العالم العربي..تعرّف إلى إجابتها – فيديو
إقرأ أيضًا: لطيفة التونسية ممنوعة من الغناء وتكشف عن الأسباب – وثائق
إقرأ أيضًا: ناهد السباعي تكشف سرّ عدم ذهابها إلى حفل زفافها: “هذا ما حصل معي”!
