باميلا الكيك تظهر على طبيعتها وتؤكد :”هيدي أول مرة”!
نشرت الفنانة اللبنانية باميلا الكيك صورة جديدة لها عبر حسابها الرسمي على موقع تبادل الصور والفيديوهات انستغرام ظهرت من خلالها على طبيعتها دون استخدام المكياج،
وعلّقت:
“هيدا اول عيد ميلاد بحسّ فيه هلقد..يعني مظبوط المصيبة بتجمع ونحنا مش منتبهين!..لأول سنة من سنين، مش قاعدين مضوّا خلقتنا السوشيل ميديا كل الوقت”.
وتابعت:
“كانت خلقة ربنا عم بتتحادث، تتضامن بكتير من المواقف وتتشارع وأخيراً سمعنا صوتن بعد سنين سكوووووت ….”والله طلع عندك رأي” إي عندي.. وصوتنا واحد والحق ما إلو صوتين، الحق ما الو وجّين، عمرك شفت اصلاً حقّ واحد بألوان؟؟ هيدا اول عيد ما بتكون الزينة من برّا إنما من جوا هيدا اول عيد ما بتكون المصاري من برا إنما من جوّا..ما كان في إدّعاء، ما كان في صور للشجرة والهدايا الشانيل والهرميس..”.
وأضافت:
“كان في صور للمغارة، لقلب يسوع، لمعنى الميلاد الحقيقي، بحيث أكتر المحتاج، أكتر المعتاز كان عم بيعطي، كان عم بيطبخ، عم بنّفع المؤسسات الصغيرة بشغل ايدا اللي من قلبا الكبير!!! اللي قادر يهدي ب ١٠.٠٠٠$ ما قدر يهدي متل اللي ما معو اصلاً ١٠.٠٠٠ $ ليقدر يهدي…اهدينا قلوب بعض بهالعيد!”.
وأكملت قصتها:
“ما البسنا وتمكيجنا للانستا إنما لمعنى القعدة والاكل اللي مش متل كل سنة بيروح على غير محل……/. رجعت شوف الالوان
رجعت حسيت بقلبي عم بيدق..رجعت كهربت حالي مش لعصب إنما لعيش..هالعيد من زماااااان ما حسيت بهالعيد”.
وختّمت:
“انسينا نحنا مين.. زكرونا..اْنسينا انو نحنا حلوين.. سامحونا..قوم اْنفوض الغبرا عنك..قوم يلا اوعا اصحا من النووووم”.
الجدير ذكره أن باميلا الكيك شاركت في فيلم “بالصدفة” إلى جانب النجمة اللبنانية كارول سماحة والنجم اللبناني بديع أبوشقرا حيث تتلقى ردود فعل إيجابية عن دورها.
العرّاب: تُعتبر باميلا الكيك من الفنانات الصادقات سواءً في ظهورها الإعلامي أو كلامها على مواقع التواصل الاجتماعي في عصر لا يعرف حدودًا للكذب والأخبار المُفبركة.
عمار البري
إقرأ أيضًا: منة شلبي تردّ على السؤال الأكثر تداولاً في العالم العربي..تعرّف إلى إجابتها – فيديو
إقرأ أيضًا: لطيفة التونسية ممنوعة من الغناء وتكشف عن الأسباب – وثائق
إقرأ أيضًا: ناهد السباعي تكشف سرّ عدم ذهابها إلى حفل زفافها: “هذا ما حصل معي”!
باميلا الكيك – العرّاب
