ريما الرحباني تكشف عن قوانين جديدة تتعلّق بأعمال السيدة فيروز!
هاجمت ريما الرحباني ابنة السيدة فيروز القائمين على مهرجانات بعلبك الدولية بعد الحفل الذي جرى مساء يوم الأحد وتم عزف أغنيات لها بتوزيع جديد.
وقالت ريما:
“لجنة ولدنات بعلبك…دخلكن الاخوين مش تنين؟ ما فهمت انا اذا بدكن تعيدوا اي عمل من اعمالن..اولاً مش لازم تاخدوا إذن من التنين؟ وخاصة إنّو من سنتين او تلاتة رحلكن إنذار بهالخصوص؟ وإلا نسيتو؟”.
وتابعت:
“لما تاخدوا عمل تتعيدوه الأصول تعيدوه بصيغتو الأصلية المشرّفة إلكن ولغيركن وأكتر بكتير واللي كرمالا انتو عم تعيدوه والا كيف؟ انو شو بها الموسيقى الأصلية تينعاد توزيعا؟ وسلّمنا جدلاً انّو حابين ينعاد توزيعا، مع اني انا ضد ميّة بالميّة ودايما انا مع الأصليّة، هيك عمل في شي اسمو إذن اولاً لإعادة التوزيع، وفي مسؤولية وفي قيّمين آخرين أولى يوزّعوا ويشيروا ويبدوا رأين هاي مسؤولية كبيرة ما بيقرّرها مين ما كان.”.
وأضافت:
“تالتاً لما بدكن تستعملوا صور لفيروز مش لازم تستأذنوها؟رابعاً مش لازم يكون عندكن الحد الأدنى من اللياقة وتعرفوا حجم كل اسم قديه بيكون؟ لأنو الحجم إلو علاقة بالفعل بلا معلميّة يعني”.
المنشور الطويل من ريما فتحت به النار على لجنة المهرجانات ليقوم الجمهور بحملة مضادّة عليها متّهمين إياها بالإساءة لوالدتها من خلال هذا الكلام مؤكدين أن فيروز لجميع اللبنانيين.
العرّاب
إقرأ أيضًا: منة شلبي تردّ على السؤال الأكثر تداولاً في العالم العربي..تعرّف إلى إجابتها – فيديو
إقرأ أيضًا: لطيفة التونسية ممنوعة من الغناء وتكشف عن الأسباب – وثائق
إقرأ أيضًا: ناهد السباعي تكشف سرّ عدم ذهابها إلى حفل زفافها: “هذا ما حصل معي”!
