رضوى الشربيني تعتذر من غير المحجبات…وتعترف بالمبالغة!
قدّمت الإعلامية المصرية رضوى الشربيني اعتذاراً عن تصريحاتها التي أثارت جدلاً واسعاً وتم استدعاؤها إلى التحقيق بسببها قبل أيام قليلة.
وفي برنامجها “هي وبس” اعترفت رضوى بأنّها أخطأت وأساءت التعبير خلال دعمها للمحجبات وقالت:
“أنا غلطت أو أفورت في طريقة تعبيري أو في حاجة عايزة أقولها عن المحجبات، لأن أنا قابلت ناس كتير من المحجبات في الفترة دي قالوا لي عايزين نقلع الحجاب عشان مش عارفين نخرج مع أصحابنا غير المحجبات، ووقتها طلعت وقعدت أشكر في المحجبات لكن الشكرانية دي جت على دماغ اللي مش محجبات، وحسوا أنهم مش كويسين، وبعتذر جدًا لو أنتم فهمتوا ده””.
وتابعت:
“مافيش حد هيدخل جنة أو نار إلا بإذن ربنا سبحانه وتعالي، ولكن أنا كان قصدي أقول إن المحجبة عملت اللي عليها وأكتر مني ومن اللي مش محجبة، لكن ده مالوش أي علاقة بأن اللي مش محجبة ست مش كويسة وإلا أنا بابقى أنا باقول على نفسي إني مش كويسة (لأني لست محجبة)، ولكن فيه الكويس من المحجبات واللي مش كويس، وده برضه ينطبق على اللي مش محجبات، وربنا هو اللي بيحكم مين هيدخل الجنة ومين هيدخل النار”.
وأضافت:
“أنا اتفرجت على فيديو الحلقة ولقيت إني أفورت ولقيت ناس زعلانين وانتم عندكم ألف حق وحقكم على رأسي”.
وكانت قد اثارت جدلاً واسعاً عبر مواقع التواصل بعد أن انتشر الفيديو الذي قالت فيه أنّ غير المحجبة لديها شيطان عكس المحجبة.
العرّاب
إقرأ أيضًا: منة شلبي تردّ على السؤال الأكثر تداولاً في العالم العربي..تعرّف إلى إجابتها – فيديو
إقرأ أيضًا: لطيفة التونسية ممنوعة من الغناء وتكشف عن الأسباب – وثائق
إقرأ أيضًا: ناهد السباعي تكشف سرّ عدم ذهابها إلى حفل زفافها: “هذا ما حصل معي”!
