حملة مقاطعة محمد الشرنوبي..انتقم من خطيبته السابقة وأساء للطلاب!
يتعرّض الفنان المصري محمد الشرنوبي لهجوم عنيف منذ ايام على خلفية تصريحه خلال حضوره فعاليات مهرجان الجونة السينمائي بدورته الرابعة.
محمد أثناء حديثه عن زوجته قال:
“الجواز لطيف ومبسوط وسعيد ومستقر، وحسيت أن أنا اختارت صح، وحسيت إننا مناسبين لبعض، مش فكرة أني اختارت صح، معرفش هي شخصيات ممكن تبقى قابله عيوبي والعكس، فيها ميزة رهيبة أني بعرف اتكلم معاها في شغل، لما بتكلم معاها في حاجة بتبقى فاهماها، مش بتبقى زي واحدة جايبه من MSA”.
كلام كان كفيلاً بأن يفتح باب الهجوم عليه من طلاب جامعة ال MSA مطالبينه باعتذار فوراً حيث ردت أستاذة عليه قائلة:
“لما تبقي متضايق من خطيبتك الأولانية اللي هي خريجة الجامعة، عيب أوي أنك تطلع في انترفيو تتكلم كده عن كلية وجامعة ليها مكانتها في المجتمع المصري”.
واضافت:
“كلية إعلام بجامعة MSA فيها 1500 طالب وطالبة بقدرات تفوق قدرات ناس كتيرة بما فيها حضرتك، 7 مشاريع تخرج كليه إعلام MSA التيرم اللي فات عندها نسب مشاهده (موثقة) تفوق الـ800 ألف مشاهده في 3 شهور وممكن الرقم ده يكون أكتر من عدد مشاهدة اغنية لحضرتك.. وعدد من الحملات والأفلام الوثائقية اللي فازوا في مهرجانات محلية ودولية أكتر من عدد أغاني حضرتك كلها”.
وتابعت:
“وعلي فكرة جامعة MSA دي.. ممكن تبقي مكان تحلم تدخل تغني فيه أغنيه واحده بس عشان جمهورك اللي فيها ..اللي حوالي 12 الف طالب او اكتر( اللي اكيد متضايقين من كلام حضرتك في برنامج عام).. مجرد حلم لحضرتك”.
وختمت:
“متهيألي.. حضرتك لازم تنزل اعتذار رسمي لأن اللي حضرتك قلته ده غير محترف وميطلعش من شخصية عامة اللي المفروض أنها متعلمة ومثقفة وتعرف لما تبقي متضايقة من شخص ..متدخلش تشتم في المكان اللي الشخص ده متخرج منه.. ولازم تعرف أن حضرتك شخصية عامة.. الكلمة محسوبة عليها ..والكلمة الواحدة الغلط ممكن تخسرك جمهور بمئات الألوف، أعتقد أنك لعبتها بطريقة ليست ذكية جدًا”.
محمد علّق على الأمر معتذراً وقال:
“كل احترامي وتقديري لحضرتك ولجامعة MSA وطلبة mass com اللي فيها كتير من صحابي خريجين منها ومعنديش أي مشاكل مع أي حد”.
وتابع:
“ممكن يكون خانني التعبير وهي فعلًا حاجة غريبة وكلمة طلعت مني عشان هي الوحيده اللي جت في دماغي ساعتها”.
ورغم ذلك فإن طلاب الجامعة لا زالوا يهاجمون محمد ويسخرون من تصريحه الذي أراد من خلاله الإنتقام من خطيبته السابقة.
العرّاب
إقرأ أيضًا: منة شلبي تردّ على السؤال الأكثر تداولاً في العالم العربي..تعرّف إلى إجابتها – فيديو
إقرأ أيضًا: لطيفة التونسية ممنوعة من الغناء وتكشف عن الأسباب – وثائق
إقرأ أيضًا: ناهد السباعي تكشف سرّ عدم ذهابها إلى حفل زفافها: “هذا ما حصل معي”!
