ورد الخال تنشر وصيتها:”الحياة لعبة بتسلّي”
في خطوة جريئة، نشرت الممثلة اللبنانية ورد الخال وصيتها عبر حسابها الرسمي على موقع إنستغرام وهي كانت قد أعلنت عنها في برنامج “المواجهة”.
ورد قالت:
“كل حدا زعّلني ، منتصافى فوق..كل حدا زعّلتو ، بتستاهل..كل حدا نفرت بوجهو ، لازم تعرف انو اكره شي كان عندي هو الاستفزاز ..كل حدا فرّحني ، بشكرك انت لوّنت لحظات من حياتي”.
وتابعت:
“كل حدا ضمرلي الشر ، ما بسامحك..كل حدا اكل حقّي ، انشالله ياكلولك حقك..كل حدا حبيتو ، عيني عليك من فوق..كل حدا حبني ، حبك ما راح سدى ابداً”.
وأضافت:
“كل مسلسلاتي المنقولة وغير المنقولة بورّتها لكل اللي احترموا مهنتي كل العمر ..كل صوري ما قبل وبعد ، ملك كل وسيلة اعلامية محترمة واكبت مسيرتي المتواضعة”.
وختمت:
“ال كم قرش اللي موجودين بالبنك متل قلّتهن عيب نحكي فيهن..لأهلي بقلكن بحبكن و شكراً ع كل شي..لجوزي بقلّو كنت بتمنّى نختير مع بعض..اخيرا وليس آخراً ، الحياة لعبة بتسلّي ، ب حلوها ومرّها ، وكلو مجد باطل ما بيستاهل…ب كورونا او بغيرها ، رايحين رايحين ،فاكتبوا وصيتكن لانو ما حدا بيعرف ايمتى ……….منودّع”.
يُذكر أنّ ورد كانت قد أطلقت تصريحات جريئة في إطلالتها وأكّدت أنّها لا تندم على أي عمل أو مسلسل لها بل تستمر بالتعلم من أخطائها.
العرّاب
إقرأ أيضًا: منة شلبي تردّ على السؤال الأكثر تداولاً في العالم العربي..تعرّف إلى إجابتها – فيديو
إقرأ أيضًا: لطيفة التونسية ممنوعة من الغناء وتكشف عن الأسباب – وثائق
إقرأ أيضًا: ناهد السباعي تكشف سرّ عدم ذهابها إلى حفل زفافها: “هذا ما حصل معي”!