بديع أبو شقرا يحسم الجدل:”إيه نحنا ما منبيع عربياً…هيدي الحقيقة”
بعد الجدل الكبير الذي أثاره تصريحه في برنامج “ع غير كوكب” ورد الممثل يوسف الخال عليه، أوضح الممثل بديع أبو شقرا عن حقيقة موقفه.
بديع عبر فايسبوك قال:
“انا ما بدّي كبر الموضوع ويصير في اخذ ورد عليه وكأنو خلاف بين ممثّلَين وهو مش بهالوارد ابداً حتى لو توجّهلي نقد بالشخصي ، لأن انا عمبحكي عن واقع، وبشكل علمي، ايه نحنا ما منبيع عربيّاً ، لَهيك عمطالب بأفكار جديدة بتساعد على الانتشار عربيّاً كمُنتج لبناني الو خصوصيّة معيّنة”.
وتابع:
“الشباب اخدوها شخصيّة وكأنا إهانة للممثل اللبناني، انا عموصّف الواقع وهيدي هيي الحقيقة اللي لمسناها من بعد بحث وتعامل مع المؤسسات التلفزيونية العربية، مش حكي عواطف وشعبويّة وإفراط بالوطنيّة. ولهالسبب رح جرب حضّر ل webinar online, بيجمع ممثلين ومنتجين وصحفية وكتاب لنبحث بمشاكل الدراما وامكانية فتح ابواب جديدة واقناع المستثمرين بالاستثمار بهدا القطاع في ظل غياب كامل للجهات الرسمية وطبعا الظروف الصعبة اللي ما بتشجع الدرامة لا من قريب ولا من بعيد”.
وأضاف:
“انا ما بدي اقعد ببيتي وقوص من بعيد ، انا بدي احكي وقول الحقيقة وعالج عالأرض وبالعلن… واكيد ما دخل الموضوع بجنسيات الممثلين على الإطلاق ، عمنطرح موضوع جدلي ونلاقي حلول علميّة وآفاق جديدة. وخلينا نعترف انو نحنا عنّا عوائق امام انتشارنا، داخلية وخارجيّة”.
وختم:
“ولو ما عنّا ثقة بقدراتنا ما كنّا منعذّب حالنا ومنحكي. انا اتمنّى من كل الزّملاء تناول الموضوع بشكل علمي والرد عليه مش بأشعار وعواطف، كلّنا على نفس المركب”.
وكان يوسف الخال قد عبّر عن استيائه من تصريح بديع أنّ الممثل اللبناني لا يبيع غسمه عربياً مشيراً إلى أنّ ذلك لا ينطبق على الثورة التي شارك بها بديع.
العرّاب
إقرأ أيضًا: منة شلبي تردّ على السؤال الأكثر تداولاً في العالم العربي..تعرّف إلى إجابتها – فيديو
إقرأ أيضًا: لطيفة التونسية ممنوعة من الغناء وتكشف عن الأسباب – وثائق
إقرأ أيضًا: ناهد السباعي تكشف سرّ عدم ذهابها إلى حفل زفافها: “هذا ما حصل معي”!
