العرّاب الفنيمشاهير العرب

حلا شيحا مخطوفة…والدها يكشف تفاصيلاً صادمة وهي تُكذّبه!

تابعنا على

لا تزال قضية حلا شيحا تسبب جدلاً واسعاً وجديدها ما قاله والدها عن أنها مخطوفة من قبل زوجها الداعية معز مسعود وأن كل ما يصدر عنها بأمر منه.

سجال حلا شيحا مع والدها تحوّل إلى منصات التواصل الاجتماعي حيث قام بتصريح مفاجئ خلال برنامج “آخر النهار” على قناة النهار وقال:

“أثناء تصوير الفيلم كانت سعيدة بيه جدا، وكانت بتقول لي هيبقى فيلم هايل وهيحقق نجاح كبير”.

إقرأ أيضاً: رسالة مفاجئة من كارول سماحة إلى أشرف زكي بعد أزمة حلا شيحا!

وتابع:

“بعد الفترة اللي انقطعت فيها خارج مصر عشان ولادها والمدارس، بدأت يحصل عليها تغييرات أنا بقيت قلقان..بدأ التصريح ده، وأنا أشك كثيرا إن حلا كانت الدافع وراءه لسبب بسيط، لأن الفيلم نزل ونجح، ما الجدوى إن أنا أعمل هذا الكلام بشكل مجاني وأحرك الدنيا ضدي”.

وعند سؤاله عما إذا كانت حلا مخطوفة قال والدها:

“نعم، وأنا حزين جدا لهذا الاختطاف، لأن حلا فنانة حب الفن عندها عميق إلى أبعد الحدود”.

ورداً على تساؤل عما إذا كان ما تكتبه بدافع من زوجها معز قال:

“لا شك في ذلك، وأنا بقول الكلام ده على كامل مسؤوليتي كأب.”

حلا خرجت عن صمتها في منشور طويل وقالت:

“الحقيقة مصدومة من الكلام اللي والدي قاله عن زوجي اللي اتجوزته بكامل ارادتي و الحمد لله لقيت معاه كل المعاني الجميلة من احترام و رجولة و شهامة نادرة الايام دي…و انا لم يخطفني احد كما قال والدي و الكلام ده لا يصح ابداً”.

وتابعت:

“انا بحب زوجي و سعيدة بحبه ليا و بنحترم بعض و معز بيحترم رايي و بيقدر مشاعري و بالعكس هو دائما بيهدّيني . و طبعا بيساندني ويشجعني لاني زوجته و حبيبته…و هو اكبر بكتير من كل الكلام اللي بيتقال عليه و افتراءات مش صحيحة و هو ابعد ما يكون عنها”.

وأضافت:

“لن اسمح لاحد الكلام عنه و لن اسمح بأي تصور خاطئ عنه بأي شكل من الاشكال معز طول عمره له رؤيته الواضحة في الدين و حتي في الفن و هو ليس مع اي جماعة او فئة معينة هو يمثل نفسه و له افكاره وارائه العلمية و الدينية المختلفة الجميلة و ليس لاحد ان يصنفه او يضعه في اي قالب فقط لأن هواه لا يوافق ما يمثله معز..هو في ايه في بلدنا الايام دي بنحارب و نصارع في بعض و عايشين في قصص وهمية من نسج خيالنا عن بعض”.

وعبرت عن استيائها قائلة:

“هو خلاص اي حد يتكلم بلغة الدين لازم يبقي متطرف او اخواني هو مبقاش في مسلمين وسطيين طبيعين هو ليه كل انواع الهجوم ده علي اي حد…انا زعلانة من والدي جداً لانه يعرف معز كويس جدا و قعدوا مع بعض كتير ووالدي يحبه جدا و شاف منه كل خير”

وأكملت:

“معز زيي اتجوز ١٤ سنة من عمره و كان مستقر في حياته و عنده ثلاث اولاد ربنا يخليهمله جمال ماشاء الله و عمره ما كان بتاع ستات زي ما بيتقال كلام لايليق ابدا و في الاخر زيي لم يكمل جوازه و حدث الطلاق و كلنا معرضين لده طبيعي انه كان بيحاول زي اي راجل محترم انه يلاقي استقرار في حياته في الحلال و متوفقش اكتر من مرة و دي مش حاجة تعيب أي حد ، والحمد لله اتقابلنا و تلاقينا لان ظروفنا قريبة جدا و عندي اولاد مثله و اولادنا شبه بعض الحمد لله و استقرينا احنا الاتنين ليه ده يزعل الناس بدل ما ندعي لبعض بالخير بقينا نتصيد لبعض..و نخوض في اعراض بعض هو حصل في مجتمعنا ده احنا جرالنا ايه”.

ووجهت رسالة إلى والدها وقالت:

“في الاخر بوجه كلمة لوالدي الحبيب ان لا يصح ابدا كلامك مع كامل احترامي لك و للجميع…انا الحمد لله سعيدة في حياتي و مع زوج اتشرف انه زوجي و بعتز بيه و احنا اصدقاء قبل ان نكون أزواج…و كل كلمة اكتبها و قلتها نابعة مني و انا متدينة بطبعي زي اي ست مصرية بتحب دينها وده لا يعيبني. وتديني اللي بدأ من اكتر من ١٥ سنة من المنطقي ان معز مش هو سببه..مش محتاجة حد يخطفني او يكتب عني او يوجهني.. هذا كلام لا يليق”.

العرّاب

مقالات ذات صلة

زر الذهاب إلى الأعلى