العرّاب الفنيمشاهير العرب

متابع يصف نداء شرارة بـ”العانس”…وردة فعلها لا تُصدّق!

متابع يصف نداء شرارة بـ"العانس" وهي تصب غضبها عليه

تابعنا على

صبّت الفنانة الأردنية نداء شرارة غضبها على أحد المتابعين الذي وصفها بـ”العانس”.

وفي التفاصيل، شاركت نداء شرارة المتابعين عبر صفحتها الخاصة على انستغرام صورة لتعليق الشخص الذي وضعه على صورة نشرتها لها عبر صفحتها على فيسبوك ووصفها فيه بـ”العانس”.

إقرأ أيضاً: كادت تتعرّض لجلطة…هجوم عنيف من نداء شرارة على الفنانين!

وأرفقت الصورة بتعليق مطوّل قالت فيه:”معلش التعليق استوقفني وبالعادة أي شي بيستوقفني بحب أرد عليه.. واحتراماً لشخصك علما إنك لا تستحق بس ما خليت اسمك يبين.. أنا بس عندي تعقيب على مصطلح (عانس) مين اللي اخترع هاد المصطلح..؟”.

وتابعت شرارة: “أنا بعد سنة رح أصير 30 سنة يعني هل أنا رح أصير معنسة؟ هو ما ضَل شي تضغطوا في على المرأة فصرتوا تنعتوها بكلمة عانس، وياريت على عمر 30 هلأ بالعشرينات وبسألوكي ليش لسا مَش متجوزه وكإنو في مشكلة فيكي يعني”.

وعقبت المغنية الأردنية: “وفي بنات بتدخل بحالة اكتئاب كل ما سمعت انو في وحدة من صاحباتها تزوجت لانو اللي حواليها ضاغطينها..!!! الناس اللي بتفكر بهالطريقة انتم والجهل وجهان لعملة واحدة.. لأ وبضحكوني بس يقعدوا يقولوا لأي واحدة متى رح نفرح فيكي، خلص كبرتي، وقلت فرصك، اقبلي بأي شي هلأ، لحقي خلفيلك ولدين قبل الـ40”.

واستطردت شرارة: “أو في أهالي ماشيين على مبدأ خلينا نجوزهم صغار من باب انو كبرت وقادرة تفتح بيت خلص ومش قادرين ع مصاريف البنات ف بنجوزهم صغار…!!! وبالآخر بيسألوا ليش في حالات طلاق معبيه الدنيا!!؟.. على فكرة أنا بقبل أضل مَش متجوزة طول حياتي ولا اخد واحد شبهك وزيك وزي فصيلتك.. البنت بكل المراحل بتضلها قمر وسكر ومنورة واللي ما بجيها نصيبها مَش عانس هيك رب العالمين كاتب كل تأخيرة وفيها خيرة وفِي نماذج كثيرة بالعالم لسيدات ناجحة ومستقلة ومَش متزوجين.. مين قلك الست ناقصة إذا ما تزوجت هاد نصيب مكتوب من عند رب العالمين بكفي تضغطوا على بناتكم عشان خايفين من هالمصطلح وإذا صارت 30 وتصير بأي عمر كمان خلي العسل بجراره حتى تغلى أسعاره ولما ربنا يريد..”.

إقرأ أيضاً: نداء شرارة تشنّ هجوماً عنيفاً على المحجبات في المسلسلات!

واختتمت ​بالقول: “الله يكتب لكل بنت بساعة هالفجر الفرح والراحة والسعادة وبيت مليان حب وسعادة دائمة أهم من زواج مليان كره ومرار وقلة تقدير ومشاكل ووجع راس لأولادهم بس لأنها اضطرت تتجوز عشان خايفه تكبر وتروح فرصتها”.

العرّاب

مقالات ذات صلة

زر الذهاب إلى الأعلى