أثار بكاء الإعلامية ومقدمة البرامج المصرية الشهيرة رضوى الشربيني، ضجةً كبيرةً عبر مواقع التواصل الاجتماعي، وذلك قبل شهر رمضان.
بكاء رضوى الشربيني:
في التفاصيل، دخلت الإعلامية رضوى الشربيني، في حالة من الانهيار بسبب تأثرها بحديث الداعية الإسلامية نيفين مختار، التي استضافتها في آخر حلقات الموسم السابع من برنامجها هي وبس، المذاع عبر قناة سي بي سي سفرة.
وطالبت رضوى الشربيني من متابعات البرنامج، بالمواظبة على الدعاء دائمًا وفي كل وقت، خصوصًا مع اقتراب شهر رمضان، وقالت رضوى باكيةً: اتكلمي مع ربنا وادعي له باللي أنتي عايزاه في الدنيا والآخرة، اتكلمي معاه عن الناس اللي سابتك وسابت حياتك وتوفاها الله، وأد إيه هما وحشينك، وهو هيصبرك ويربط على قلبك، كلميه عن أذية الناس ليكي، قوليله يا رب يرضيك عبدك يؤذيني كدة.
وتابعت رضوى حديثها غير متوقفة عن البكاء: حاولي تسامحي وتعدي واعرفي إن الدنيا لا هي سودا أوي ولا بيضا أوي، ومش هتفضلي حزينة طول الوقت أو مبسوطة طول الوقت، أو فاشلة أو ناجحة، المهم إنك تفتكري دايما أن يقيني بالله يقيني.
إقرأ أيضًا: ولعت بين رضوى الشربيني وياسمين عز.. تلميحات وتصريحات صادمة!!
كما وجهت نصيحة للسيدات والفتيات، مطالبة بعدم التوقف عن العمل أبدًا، وقالت: أنا بشتغل طول الوقت لأن العمل عبادة، وعندي يقين تام إنه لو اتقفل باب فيه أبواب تانية بتتفتح، وشهر رمضان جاي، ادعي يارب افتحلي باب وعشرة وعشرين، وأنا ربنا رضاني في رمضان واستجاب لي، وأنتم ليكم فضل كبير عليا.
على جانب آخر، علقت رضوى الشربيني على سؤال أحد متابعيها عن سبب مهاجمتها الدائمة للرجال الخائنين، وقالت: كلنا عارفين إن الرجالة بتخون، يا إما فيه راجل فرفوش بيحب الستات، يا إما مبدأه التعدد، ولكن إنه يخون تحت ضغط دي أول مرة أسمعها، فلو فيه أي واحدة بتتحرش بيك، أو شربتك حاجة صفرا وبتضغط عليك بطريقة معينة، روح بلغ عنها وماتحطش نفسك تحت أي ضغط.
بكاء رضوى الشربيني وانهيارها
من جهةٍ أخرى، افتعل الممثل المصري محمود المهدي هجومًا كبيرًا على الإعلامية ومواطنته رضوى الشربيني، وذلك بسبب الحب.
في التفاصيل، نشر الممثل محمود المهدي صورة جديدة عبر حسابه الخاص في موقع التواصل الإجتماعي إنستغرام عبر خاصية الستوري.
وبالصورة هاجم محمود الإعلامية رضوى الشربيني بسبب تصريحاتها عن الفوائد التي تحصل عليها الفتاة الغير مرتبطة في عيد الحب.
إقرأ أيضًا: ممثلة مصرية شهيرة تفضح محمود المهدي بعد طلاقه من منة عرفة!! – صورة
وكتب معلقا “للأسف علشان فشلت في حياتها عايزة الكل زيها”.
وتابع “مش عيب أننا نفشل يمكن غلط بيكون من الطرف الأول أو التاني أنا فشلت في تجربتين يمكن غلطت في حاجات احنا بشر ممكن بنتسرع وبنغلط بس مش معنى كدة يبقى الحب فاشل”.
واضاف “متنسوش حواء اتخلقت من ضلع ادم مهما كان أنا جربت الوحدة والله صعبة اوي واللي بيقول غير كدة بيبقى مش عايز يبين لحد أو لحبيب قديم أو زوج أو زوجة”.
واختتم حديثه “بجد لما بتلاقي حد يحبك أو يكمل معاك حياتك هو اللي هيفضلك لا اخ ولا اهل ولا قريب ولا صاحب هيكون فاضيلك متسمعوش كلام فاشل زي دة”.
