محمود المهدي يكشف المستور عن منة عرفة.. زواجه منها عقاب من الله!!
محمود المهدي يتحدث عن منة عرفة
كشف محمود المهدي طليق الممثلة المصرية الشهيرة منة عرفة، عن مكنونات صدره، أخيرًا، بعد أن انفصل تمامًا عنها.
محمود المهدي يتحدث عن منة عرفة
في التفاصيل، وصف الشاب المصري محمود المهدي زواجه بالممثلة الشابة منة عرفة بأنها قد تكون “عقاب من ربنا”، معربًا عن ندمه الشديد لهذا الارتباط الذي تخلله العديد من الخلافات التي ظهرت للعلن، قبل انفصالهما.
وقال المهدي في تصريحات تلفزويونية: “زواجي من منة عرفة صدمة وممكن كان عقاب ليا في حاجات كتير أو ابتلاء من اللي عملته لأني ما صبرتش مع أم ولادي”.
وأضاف بأنه كان قد تعرف على الممثلة الشابة خلال تصوير فيلم “تلات ستات”، وحينها كان مرتبطا بزوجته الثانية، وبعد الانفصال منها تزوج منة عرفة، معلقا: “مقدرش أقول سبتها علشان منة ولكن لما تكون منفصل مع حد وحد يجي لك ويقول لك انت تستاهل أحسن من كده فبيأثر عليك”.
وأوضح محمود المهدي: “مشاكلي مع منة بدأت لأني كنت رافض فكرة اللمس في التمثيل وأنا ضحيت بحاجات كتير واتظلمت واتسرعت وما كانش ينفع تكون معايا، وفي ناس كانت بتسخنها عليا وفهموها أني دمرت مستقبلها الفني”.
ولفت: “أنا صريح لا بعرف النفاق وأكتر حاجة بكرها الكذب، وطبيعي كنت متفق على حاجات ما حصلتش قلت لها اعملي فن هادف وأنا هدعمك وحاجات لا تسيئي ليا في الشغل، وأنا مش ضد الفن في حاجات محترمة وناس محترمة”.
واتهم محمود المهدي منة عرفة بالخيانة، قائلا: “منة عرفة خانتني عاطفيا واكتشفت صدفة، ودمرت حياتي لأن افلامي أتوقفت لما انا دافعت عنها، واللي قدمته ما توقعتش قصاده الي حصل منها.”
إقرأ أيضًا: انهيار محمود المهدي زوج منة عرفة.. “مش عايز الفن”!! – فيديو
وأعرب محمود المهدي عن ندمه الشديد لانفصاله عن زوجته الأولى وأم أبنائه بسبب خلافات بسيطة حدثت بينهما، مشيرًا إلى أنه ما زال يحبها حتى الآن.
وأضاف: “أول زواج وأنا 18 سنة حبيتها ورفضت ثلاث مرات من أهلها، حبنا كان قصة كبيرة، وحبينا بعض وإحنا في المدرسة ودخلنا جامعة مع بعض”.
وتابع: “أنا لسه بحبها جدًا لحد اللحظة دي، وهي أم عيالي، وبعترف أن دي الحاجة اللي ندمان أني سبتها وهفضل ندمان عليها طول عمري، وفي عشرة عمر بينا وأنا ندمان أني ما صبرتش على الخلافات اللي كانت بينا وحافظت على العيال لكني عملت زي الناس اللي بتعمل دلوقتي بتطلق بسبب خلافات بسيطة.”
وأرسل المهدي رسالة إلى طليقته الأولى وأم أبنائه: “بقول لها أنا ما حسيت بقيمتك غير بعد لما خسرتك، وبنصح الناس أن الخلافات العادية بين أي اثنين طبيعي نصبر عليها خاصة أنه صعب تلاقي حد يصونك ويصون شرفك في الوقت الحالي، وأنك تنزل سايب البيت تلاقي زوجتك عندها حدود في الشغل مع الناس ومفيش حاجة اسمها أصدقاء، وللأسف الحاجات دي ما بقتش موجودة”.
وأكد محمود المهدي احترامه الشديد لطليقته الثانية قائلًا: “الزوجة التانية ليها احترامها وبحترم أهلها، وبتحبني واللي حصل بينا سوء فهم بيني وبينها لأنها كانت صغيرة وهي بتحبني واتجوزت واطلقت ولسه بتتواصل معايا وبكن لها كل الاحترام”.
من جهةٍ أخرى، افتعل الممثل المصري محمود المهدي هجومًا كبيرًا على الإعلامية ومواطنته رضوى الشربيني، وذلك بسبب الحب.
في التفاصيل، نشر الممثل محمود المهدي صورة جديدة عبر حسابه الخاص في موقع التواصل الإجتماعي إنستغرام عبر خاصية الستوري.
وبالصورة هاجم محمود الإعلامية رضوى الشربيني بسبب تصريحاتها عن الفوائد التي تحصل عليها الفتاة الغير مرتبطة في عيد الحب.
إقرأ أيضاً: إنتحار منة عرفة يُثير البلبلة…ما القصة؟!
وكتب معلقا “للأسف علشان فشلت في حياتها عايزة الكل زيها”.
وتابع “مش عيب أننا نفشل يمكن غلط بيكون من الطرف الأول أو التاني أنا فشلت في تجربتين يمكن غلطت في حاجات احنا بشر ممكن بنتسرع وبنغلط بس مش معنى كدة يبقى الحب فاشل”.
واضاف “متنسوش حواء اتخلقت من ضلع ادم مهما كان أنا جربت الوحدة والله صعبة اوي واللي بيقول غير كدة بيبقى مش عايز يبين لحد أو لحبيب قديم أو زوج أو زوجة”.
واختتم حديثه “بجد لما بتلاقي حد يحبك أو يكمل معاك حياتك هو اللي هيفضلك لا اخ ولا اهل ولا قريب ولا صاحب هيكون فاضيلك متسمعوش كلام فاشل زي دة”.
